మీ ఆధార్ వివరాలు లీక్ అవుతోందా?..సైబర్ నేరగాళ్ల నుంచి మీ ఆధార్ కార్డుని ఇలా రక్షించుకోండి(My Aadhar)!
మీరు (My AadhR)ఆధార్ కార్డ్ హోల్డర్ అయితే, ఈ సమాచారం మీకు ఉపయోగకరంగా ఉంటుంది. ఆధార్ కార్డ్‌లో మీ బయోమెట్రిక్ డేటా, ఇతర వివరాలు ఉంటాయి. కానీ,ఒకేఒకసారి అవి దుర్వినియోగం కావచ్చు. సైబర్ నేరగాళ్లు మీ ఆధార్ వివరాలను దొంగిలించవచ్చు. అయితే, మీరు ఖచ్చితంగా ఆధార్ కార్డ్‌ను లాక్ చేయడం గురించి ఆలోచించాలి. UIDAI ఆధార్ కార్డ్‌ని లాక్-అన్‌లాక్ చేసే సదుపాయాన్ని అందిస్తుందని చాలా కొద్ది మంది ఆధార్ కార్డ్ హోల్డర్‌లకు మాత్రమే తెలుసు. మీరు మీ ఆధార్ కార్డ్‌ని డిజిటల్‌గా లాక్ చేసిన తర్వాత, మీ బయోమెట్రిక్ డేటా దుర్వినియోగం కాదు.
ఆన్‌లైన్‌లో ఆధార్ కార్డును ఎలా లాక్ చేయాలి?
1. ముందుగా మీరు UIDAI అధికారిక వెబ్‌సైట్‌కు వెళ్ళాలి.
2. మీరు ఎగువన ఉన్న My Aadhaar ఎంపికను క్లిక్ చేయాలి.
3. ఇక్కడ అన్ని ఎంపికలలో లాక్/అన్‌లాక్ బయోమెట్రిక్స్ ఎంపికపై క్లిక్ చేయండి.
4. ఇప్పుడు లాక్/అన్‌లాక్ ఆధార్ ఎంపికపై క్లిక్ చేయండి.
5. ఇప్పుడు మొత్తం సమాచారాన్ని చదివి, తదుపరి క్లిక్ చేయండి.
6. ఇప్పుడు వర్చువల్ ఐడి, పేరు, పిన్‌కోడ్, క్యాప్చా ఎంటర్ చేసి, సెండ్‌పై క్లిక్ చేయండి.
7. ఆధార్ కార్డ్‌లో నమోదైన ఫోన్ నంబర్‌కు OTP వస్తుంది. దాన్ని నమోదు చేయండి.
8. మీరు ఎంటర్ నొక్కిన వెంటనే, ఆధార్ కార్డ్ బయోమెట్రిక్ లాకింగ్ గురించిన సమాచారం స్క్రీన్‌పై కనపడుతుంది.
వర్చువల్ IDని ఎలా రూపొందించాలి?
ఆధార్‌ను లాక్ చేయడానికి / అన్‌లాక్ చేయడానికి, ఆధార్ కార్డ్ హోల్డర్ తప్పనిసరిగా 16 అంకెల వర్చువల్ IDని కలిగి ఉండాలి. ఆధార్ హోల్డర్ 1947కి SMS పంపడం ద్వారా వర్చువల్ IDని రూపొందించవచ్చు. దీని కోసం మీరు 1947లో మీ ఆధార్ నంబర్ చివరి నాలుగు అంకెలను RVID _ _ _ ఫార్మాట్‌లో పంపాలి. మీరు సందేశం పంపిన వెంటనే మీ వర్చువల్ ID నంబర్ మీ ఫోన్‌కి పంపబడుతుంది.